वाघांशी किंवा सिंहाशी झुंझ देणाऱ्या व्यक्तीला तुम्ही आजवर फक्त सिनेमांमध्ये पहिल असेल.पण राहुरी तालुक्यातील चक्क ६९ वर्षाच्या वृद्धाने विबत्याशी झुंझ देऊन त्याला पळऊन लावल्याची घटना समोर अली आहे.
राहुरी तालुक्यातील गोटूंबे आखाडा येथे ही घटना घडली असून खंडेराव शेटे या आजीबांनी चक्क बिबट्याशी झुंज देऊन स्वतःचा जीव वाचवला.त्यांची बिबट्या बरोबरची ही झुंज सुमारे एक तास सुरु होती. यात खंडेराव शेटे हे गंभीर जखमी होऊन रक्तबंबाळ झाले होते.
खंडेराव मुरलीधर शेटे, वय ६९ वर्षे, हे राहुरी तालुक्यातील गोटूंबे आखाडा येथे आपल्या कुटुंबासह राहतात.ते व्यवसायाने एक शेतकरी आहेत यावरच ते आपल्या कुटुंबाचा उदरनिर्वाह करतात.
खंडेराव शेटे हे दि. १८ नोव्हेंबर रोजी दुपारी दिड वाजता गोटूंबे आखाडा परिसरातील त्यांच्या शेतात पिकाला पाणी देण्यासाठी गेले होते.ते पिकाला पाणी देत असताना शेजारच्या शेतात दबा धरून बसलेल्या बिबट्याने अचानक त्यांच्यावर हल्ला केला.
आणि त्यांचा हात जबड्यात धरुन ओढून नेण्याचा प्रयत्न केला.मात्र यावेळी या वृद्धाने तरुणाला लाजवेल असे धाडस करुन बिबट्याचा प्रतिकार करण्यास सुरुवात केली.त्यावेळी खंडेराव यांनी दगड, काठी जे हातात येईल त्याने बिबट्यावर हल्ला केला.
दरम्यान त्यांचा आरडाओरडा ऐकून शेजारील काही शेतकरी जमा झाले. त्यांनी बिबट्याला दगड गोटे मारल्याने तो ऊसात पळून गेला.जखमी खंडेराव शेटे यांना जवळच्या रुग्णालयात दाखल केले आहे.
गेल्या चार दिवसांपासून खंडेराव शेटे यांच्यावर राहुरीतल्या खाजगी रुग्णालयात उपचार सुरु आहेत. आज त्यांची तब्येत व्यवस्थित झाल्यानंतर त्यांनी माध्यमांशी बोलताना घडलेला सर्व प्रकार सविस्तरपणे सांगीतला.
