बहुचर्चीत असलेल्या नगर अर्बन बँकेच्या घोटाळा प्रकरणी बँकेचे माजी संचालक अजय बोरा यांचा अटकपूर्व जामीन अर्ज येथील जिल्हा व सत्र न्यायाधीश एम. एच. शेख यांनी फेटाळून लावला आहे.जिल्ह्यातील सहकार क्षेत्रातील नवाजलेली नगर अर्बन बँकेमध्ये मोठ्या प्रमाणात घोटाळा झालेला आहे त्यामुळे सध्या बँकेचे लायसन हे रद्द करण्यात आलेले आहे.
बँकेने २९१ कोटींचे जे कर्ज दिले होते ते अद्याप पर्यंत वसून झालेले नाही,अर्बन बँकेच्या वेगवेगळ्या संदर्भातल्या गोष्टी यामुळे बाहेर आलेल्या आहेत.याप्रकरणी चार पोलीस ठाण्यामध्ये वेगवेगळ्या प्रकारचे गुन्हे दाखल करण्यात आलेले आहेत. सुरुवातीला पोलिसांनी आणि नंतर आर्थिक गुन्हा अन्वेषण विभागाने याचा तपास केलेला होता.
दरम्यान अटकपूर्व जामीनासाठी माजी संचालक अजय बोरा यांनी न्यायालयामध्ये अर्ज दाखल केलेला होता.त्या अर्जाला फिर्यादी राजेंद्र गांधी यांच्यावतीने ज्येष्ठ विधीन्य अभिजीत पुप्पाल यांनी बँकेचा गुन्हा अतिशय गंभीर स्वरूपाचा आहे.
या अगोदर ज्या संचालकांचा यामध्ये समावेश होता व त्यांनी न्यायालयामध्ये अर्ज दाखल केला होता त्यांचे जामीन अर्ज न्यायालयाने फेटाळून लावले आहेत.
अजय बोरा हे सुद्धा बँकेचे माजी संचालक आहेत विशेष म्हणजे २९१ कोटी रुपयांच्या घोटाळा प्रकरणासंदर्भात ज्या पद्धतीने बँकेच्या संचालक मंडळाने गांभीर्याने या बाबी लक्षात घेऊन वसुली करणे गरजेचे होते ती वसुली केली नाही.
म्हणून त्यांच्यावर लेखा परीक्षणामध्ये ताशेरे ओढले होते.यामध्ये अजय बोरा हे बँकेच्या ऑडिट रिकवरी या कमिटीमध्ये सदस्य म्हणून कार्यरत होते,त्यांनी सुद्धा या प्रकारे गांभीर्याने दखल घेतली नाही.तसेच त्यांनी कोणत्याही प्रकारचा विरोध देखील केला नाही त्यामुळे ही बाब अतिशय गंभीर आहे.
ज्या वेळेला यांनी सर्व नियमांचे उल्लंघन केले म्हणून या बँकेचा परवाना आरबीआयने रद्द केलेला आहे.त्यामुळे सर्वसामान्य ठेवीदारांचे मोठ्या प्रमाणामध्ये व खातेदारांचे हाल झालेले आहे,याला हेच संचालक मंडळ जबाबदार असून यांचा अटकपूर्व जामीन अर्ज फेटाळून लावावा असा युक्तिवाद त्यांनी न्यायालयामध्ये केला होता.न्यायालयाने दोन्ही बाजूचा युक्तिवाद ऐकल्यानंतर अजय बोरा यांचा जामीन अर्ज फेटाळून लावला आहे.
